ރާއްޖެއިން މިއަދު ކޮވިޑް-19 އަށް ޕޮޒިޓިވް ވެފައިވަނީ 53 މީހުން ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.

މިއަދުގެ އިރު އޮއްސުމާ ހަމައަށް އެއްކޮށްފައިވާ ހިސާބުތަކާ ހަވަލާ ދީ އެޗްޕީއޭއިން މިރޭ ބުނީ ކޮވިޑް ބަލި ޖެހުނު މީހުންގެ ތެރެއިން 47 މީހުނަކީ މާލޭ ސަރަހައްދުން ބަލި ޖެހުނު މީހުން ކަމަށެވެ. އަނެއް ހަ މީހުންނަކީ އަތޮޅުތަކުގެ ރަށްރަށުން ޕޮޒިޓިވް ވެފައިވާ މީހުނެވެ.

އެޗްޕީއޭއިން ބުނީ ރޭގެ 1800 އިން މިއަދުގެ 1800 އާ ހަމައަށް ރާއްޖެއިން 53 މީހުން ޕޮޒިޓިވް ވި އިރު އޭގެތެރޭގައި ގިނައީ ދިވެހީން ކަމަށެވެ. އެގޮތުން މިއަދު ޕޮޒިޓިވްވި މީހުންގެ ތެރޭގައި ހިމެނެނީ 42 ދިވެހީންނާއި 11 ބިދޭސީންނެވެ.

މިއަދު ޕޮޒިޓިވްވި މީހުނާއެކު ރާއްޖޭގެ އަދަދު ވަނީ 10,098 އަރާފަ އެވެ. އަދި ޓެސްޓް ކޮށްފައިވަނީ 1،454 ސާމްޕަލެވެ. މިހާތަނަށް ރާއްޖޭގައި ކޮވިޑްގެ 149،135 ސާމްޕަލް ވަނި ޓެސްޓްކޮށްފައެވެ.

މިހާރު 1،210 މީހަކު ދަނީ ބައްޔަށް ފަރުވާދެމުންނެވެ. އޭގެ ތެރޭގައި ހޮސްޕިޓަލުގައި ފަރުވާ ހޯދަމުންދާ 83 މީހުން ހިމެނޭއިރު މީގެ ތެރޭގައި އައިސީޔޫގައި ފަރުވާ ދެމުންދާ ތިން މީހަކާއި ވެންޓިލޭޓަރުގައި ފަރުވާ ދެމުންދާ ދެ މީހަކު ހިމެނެއެވެ.

މިއަދު ކޮވިޑުން ރަނގަޅުވީ 93 މީހުނެވެ. ރާއްޖެއިން ރަނގަޅުވި ޖުމްލަ މީހުންގެ އަދަދަކީ 8،847 އެވެ. 

އެ ބަލި ޖެހިގެން މަރުވި މީހުންގެ އަދަދު 34 އަށް ވަނީ މިހާރު އަރާފައެވެ.

ގުޅުންހުރި ލިޔުންތައް

ފަހުގެ ލިޔުންތައް