އެކަށީގެންވާ އަދަދަކަށް ވެކްސިން ތައްޔާރު ކުރެވުނު ނަމަވެސް ކޮވިޑް-19 ޖެހިގެން މަރުވާ އަދަދު މަދުވެގެން ދެ މިލިޔަނަށް އަރާނޭކަމަށް ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) އިން ބުނެފި އެވެ.
މިދިޔަ އަހަރުގެ ފަހުކޮޅު ޗައިނާގެ ވޫހާން އަވަށުން ކޮވިޑް-19 ފެނުނު ފަހުން ގާތްގަނޑަށް ފާއިތުވި ނުވަ މަސްތެރޭގައި ކޮވިޑުގައި މަރުވި މީހުންގެ އަދަދު ވަނީ މިލިޔަނަކާއި ގާތްކޮށްފަ އެވެ. އަދި މިހާތަނަށް ވަނީ 32 މިލިޔަނަށްވުރެ ގިނަ މީހުން ވައިރަހަށް ޕޮޒިޓިވްވެފަ އެވެ.
ޑަބްލިޔުއެޗްއޯގެ ހެޑް ޑރ. މައިކް ރަޔަން ވިދާޅުވިގޮތުގައި ބައިނަލްއަޤްވާމީ އެއްބާރުލުން ނުލިބޭނަމަ މި އަދަދު މިއަށްވުރެ އިތުރުވުމަކީ ވެސް ވެދާނޭ ގޮތެކެވެ.
ކޮރޯނާވައިރަހުގެ ދެވަނަ ރާޅެއްގެ އަސަރު މިހާރު ގިނަ ޤައުމުތަކަށް ކުރަމުންދާއިރު، ކުރިން މި ވައިރަސް ފެނިފައިނުވާ ގިނަ ޤައުމުތަކަކުން ވަނީ ވައިރަސް ފެނިފައެވެ. އަދި ވައިރަސް މުޅިން ނައްތާލެވުނު ގިނަ ޤައުމުތަކަކުން ވެސް ވަނީ އަލުން ކޮރޯނާވައިރަހުގެ ކޭސްތައް ފެންނަން ފަށާފަ އެވެ.
ޑރ. މައިކް ވިދާޅުވިގޮތެއްގައި ޖުމްލަ ގޮތެއްގައި ކޮވިޑްގެ ކޭސްތައް އިތުރުވަމުންދާތީވެ، ގިނަ ސަރަހައްދުތަކަކުން ދަނީ ކަންބޮޑުވުންފާޅު ކުރަމުންނެވެ.
އެހެންނަމަވެސް ކުރިއާ އަޅާބަލާއިރު ކޮވިޑުގައި މީހުން މަރުވާ އަދަދު މަދުވުމުގެ ވެކްސިންގެ ކުރިން ދެ މިލިޔަން މީހުން ނުވިނަމަވެސް، ވެކްސިނަށް ފަހު މި އަދަދު ދެ މިލިޔަނަށް އަރާފާނެކަމަށް އޭނާ ވަނީ ވިދާޅުވެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)