އެމެރިކާގައި ކޮރޯނާވައިރަހަށް ޕޮޒިޓިވްވެ މަރުވި މީހުންގެ އަދަދު ދެ ލައްކައަށްވުރެ މައްޗަށް އަރައިފި އެވެ.

އމެރިކާގައި ރެކޯޑު އަދަދަކަށް ވައިރަސް ޖެހި އަދި މަރުވި މީހުންގެ އަދަދު އިތުރުވެފައި މިވަނީ އެޤައުމުގެ ރިޔާސީ އިންތިހާބު ފެށުމަށް 41 ދުވަހަށް ވެފައި ވަނިކޮށެވެ. އަދި ދުނިޔޭގެ ސިއްހަތު ޖަމިއްޔާއިން ވެސް، ދުނިޔޭގެ އެކި ކަންކޮޅުތަކުން ކޮވިޑުގެ ކޭސްތައް ފެންނަމުންދާ އަދަދު ރިކޯޑު އަދަދަކަށް އިތުރުވެފައިވާ ކަމަށް ބުނެފައި ވަނިކޮށެވެ.

މިހާތަނަށް ތަފާސް ހިސާބުތަކުން ދައްކަގޮތުގައި ދުނިޔޭގެ އެކި ކަންކޮޅުތަކުން 32 މިލިޔަން މީހުންނަށް ވަނީކޮވިޑޮ-19 ޖެހިފައެވެ. އަދި ޗައިނާގެ ވޫހާން ސިޓީއިން މި ވައިރަސް ފެނުނު ފަހުން 988،000 މީހުން ވަނީ ބަލީގައި މަރުވެފަ އެވެ.

ދުނިޔޭގެ ސިއްހަތު ޖަމިއްޔާއިން މި ހުސްވި ހޯމަ ދުވަހު ވަނީ ސެޕްޓެމްބަރ 20 އާއި ހަމަޔަށް އެންމެ ހަފްތާއެއްގެ ތެރޭގައި 2 މިލިޔަނަށް ވުރެ ގިނަ މީހުން ޕޮޒިޓިވްވެފައިވާ ކަމަށް ބުނެފައެވެ.

އެމެރިކާއިން މިހާތަނަށް ވަނީ  7 މިލިޔަނަށް ވުރެ ގިނަ މީހުން ކޮވިޑަށް ޕޮޒިޓިވްވެފަ އެވެ. އޭގެތެރޭގައި ގިނަ އަދަދަކަށް ސިއްހީއެހީތެރިން ވެސް ހިމެނެއެވެ.

ގުޅުންހުރި ލިޔުންތައް

ފަހުގެ ލިޔުންތައް