މިދިއަ 24 ގަޑިއިރުގެ ތެރޭގައި ރާއްޖެއިން ކޮވިޑް-19 އަށް 121 މީހަކު ޕޮޒިޓިވްވެ، 171 މީހުން ކޮވިޑު ބަލިން ރަނގަޅު ވެއްޖެ އެވެ.

މިއަދުވެސް ޕޮޒިޓިވްވި މީހުންގެ ތެރޭގައި ގިނައީ ދިވެހީންނެވެ. އެގޮތުން ޕޮޒިޓިވްވި މީހުންގެ ތެރޭގައި ހިމެނެނީ 74 ދިވެހީންނާއި 46 ބިދޭސީންނެވެ.

މިއަދުގެ އިރު އޮއްސުމާ ހަމައަށް އެއްކޮށްފައިވާ ހިސާބުތަކާ ހަވަލާ ދީ އެޗްޕީއޭއިން މިރޭ ބުނީ ކޮވިޑް ބަލި ޖެހުނު މީހުންގެ ތެރެއިން 102 މީހުނަކީ މާލޭ ސަރަހައްދުން ޖެހުނު މީހުން ކަމަށެވެ. އަނެއް 119 މީހުންނަކީ އަތޮޅުތަކުގެ ތެރޭގެ ރަށްރަށުން ޕޮޒިޓިވްވެފައިވާ މީހުނެވެ.

މިއަދު ޕޮޒިޓިވްވި މީހުނާއެކު ރާއްޖޭގެ އަދަދު ވަނީ 9,173 އަރާފަ އެވެ.

މިއަދު ކޮވިޑުން ރަނގަޅުވީ 171 މީހުންނެވެ. ރާއްޖެއިން ރަނގަޅުވި ޖުމްލަ މީހުންގެ އަދަދަކީ 7،326 އެވެ. މިވަގުތު ރާއްޖޭގައި ކޮވިޑުން ރަނގަޅުނުވެ ތިބީ 1،809 މީހުންނެވެ.

ކޮވިޑް-19 ޖެހިގެން ރާއްޖެއިން 32 މީހަކު ވަނީ މަރުވެފަ އެވެ. އެގޮތުން މި ބަލީގައި އެންމެ ފަހުން މީހަކު މަރުވެފައިވަނީ ރޭގެ ވަގުތެއްގައެވެ. މިވަގުތު ވެސް ހޮސްޕިޓަލްގައި އެޑްމިޓްކޮށް 113 މީހަކަށް ދަނީ ފަރުވާ ދެމުންނެވެ. 

ގުޅުންހުރި ލިޔުންތައް

ފަހުގެ ލިޔުންތައް