ރާއްޖެއިން ފާއިތުވި 24 ގަޑިއިރުތެރޭގައި 80 މީހުން ޕޮޒިޓިވް ވެފައި ވާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފި އެވެ.

އެޗްޕީއޭއިން ބުނިގޮތުގައި މިއަދު ޕޮޒިޓިވްވި 80 މީހުންގެ ތެރޭގައި ހިމެނެނީ 60 ދިވެއްސަކާއި 20 ބިދޭސީ އެކެވެ.

އެގޮތުން މިއަދު ރާއްޖޭގެ 39 ރަށަކާއި 20 ރިސޯޓަކުން މީހުން ވަނީ ޕޮޒިޓިވްވެފައެވެ. ރިސޯޓުތަކުން ފެނުނު ޕޮޒިޓިވް ކޭސްތަކުގެ ތެރޭގައި 17 ފަތުރުވެރިންނާއި 45 މުވައްޒަފުން ހިމެނޭކަމަށް އެޗްޕީއޭއިން ބުނެއެވެ.

މި 80 ކޭސް އާއެކު މިހާތަނަށް ރާއްޖެއިން ފެނުނު ކޭސްތަކުގެ އަދަދު ވަނީ 8،361އަށް އަރާފައެވެ. މީގެތެރެއިން މިހާރު ބަލިން ރަނގަޅު ނުވެ ތިބީ 2،684 މީހުންނެވެ. އަދި 162 މީހުން ވަނީ ހޮސްޕިޓަލުގައި އެޑްމިޓްކޮށްފަ އެވެ.

މިއަދު ކޮވިޑުން ރަނގަޅު ވެފައިވަނީ 159 މީހުންނެވެ. މިއާއެކު ރާއްޖެއިން ބަލި ޖެހުނު މީހުންގެ ތެރެއިން 5،642 މީހުން ވަނީ ބަލިން ރަނގަޅުވެފަ އެވެ. މިހާތަނަށް 29 މީހަކު ވަނީ މި ބަލީގައި މަރުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް