ކ. މާފުށީ ސިއްހީ މަރުކަޒުގައި ދަތުގެ ފަރުވާދޭން ފަށައިފި އެވެ.

ކ. މާފުށީ ސިއްހީ މަރުކަޒުގައި ދަތުގެ ފަރުވާގެ ހިދުމަތް ދޭން ފަށާފައި ވަނީ ވާޗުއަލްކޮށް ބެއްވި ރަސްމިއްޔާތެއްގަ އެވެ. މި ރަސްމިއްޔާތުގައި ހޯމް މިނިސްޓަރު އިމްރާން އަބްދުﷲ އާއި ހެލްތު މިނިސްޓްރީގެ އިސް އޮފިޝަލުން ބައިވެރިވެ ވަޑައިގަތެވެ.

މިއީ ރާއްޖޭގެ ސިއްހީ މަރުކަޒެއްގައި ދަތުގެ ފަރުވާ ދޭން ޚާއްސަ ޔުނިޓެއް ގާއިމުކުރި ފުރަތަމަ ފަހަރެވެ. އަތޮޅު ތެރޭގެ ހޮސްޕިޓަލްތަކާ އެކު މިހާރު 17 ތަނެއްގައި ދަތުގެ ފަރުވާ ލިބެ އެވެ.

K. Maafushi Health Centre gai Dental khidhumayi dheyn feshumakee atholhuthereygai sihhee khidhumayi fulhaavamun dhaakan ramzukohdhey kameh. Adhi miee Maafushi jaluge gaidheennaai bandhu meehunnah sihhee khidhumayi mihaarah vure faseyhain hamajessumah libunu furusatheh. https://t.co/jzMrCERT0T pic.twitter.com/GMSP4IapUW

— Imran Abdulla (@ShimranAb) August 18, 2020

އެ ރަސްމިއްޔާތުގައި މިނިސްޓަރ އިމްރާން ވިދާޅުވީ، މާފުއްޓަކީ ގިނަ އަދަދެއްގެ ޓޫރިސްޓުންގެ އިތުރުން ޖަލުގައި ގައިދީން ބައިތިއްބާ ރަށަކަށް ވާތީ މާފުށީ ސިއްްހީ މަރުކަޒުގެ ޚިދުމަތްތައް ރަނގަޅު ކުރުމަކީ ވަރަށް މުހިންމު ކަމެއް ކަމަށާއި އޭގެ ސަބަބުން ޚަރަދުތައް ކުޑަވާނެ ކަމަށެވެ. އަދި ލާމަރުކަޒީ އުސޫލުން ރަށްތައް ހިންގުމުގެ ނިޒާމުގެ ތެރެއިން އެންމެ އިސްކަމެއް ދޭ ކަމަކީ ސިއްހީ ދާއިރާގެ ޚިދުމަތްތައް ރަނގަޅު ކުރުން ކަމަށް ވެސް އޭނާ ވިދާޅުވި އެވެ.

އަދި ވިދާޅުވީ ގައިދީންނަށް ފޯރުކޮށް ދިނުމުގައި ވެސް ބޮޑެތި ގޮންޖެހުންތަކެއް ކުރިމަތިވާ ކަމަށެވެ. އަދި މާފުށީ ކައިރީގައި ރިސޯޓްތައް ތަރައްގީ ކުރާއިރު، އެ ރަށުގައި ސިއްހީ ޚިދުމަތުގެ ފެންވަރު ރަނގަޅު ކުރުމަކީ އެކަމަށް ސަރުކާރުން އިސްކަންދޭ މިންވަރު ހާމަވާ ކަމެއް ކަމަށް ވިދާޅުވި އެވެ.

ގުޅުންހުރި ލިޔުންތައް

ފަހުގެ ލިޔުންތައް