މިއަދު ވެސް 106 މީހަކު ކޮވިޑަށް ޕޮޒިޓިވްވިއިރު އޭގެ ތެރެއިން ގިނައީ ދިވެހިން ކަމަށް އެޗްޕީއޭ އިން ބުނެފި އެވެ.

އެ އެޖެންސީން ބުނީ، އިއްޔެ ހަވީރު 6 ން މިއަދު ހަވީރު 6 އަށް 106 މީހަކަށް ބަލި ޖެހުނުއިރު އޭގެ ތެރޭގައި 79 ދިވެހިން ހިމެނޭ ކަމަށެވެ. ދެން ޕޮޒިޒިވްވީ ބަންގްލަދޭޝްގެ 21 މީހަކާއި އިންޑިއާގެ ފަސް މީހަކާއި ނޭޕާލް މީހެކެވެ.

މިއަދު ޕޮޒިޓިވްވި މީހުންގެ ތެރެއިން 99 މީހުން ތިބީ މާލެ ސަރަހައްދުގަ އެވެ. އެއީ މާލެ، ވިލިނގިލި އަދި ހުޅުމާލެ އެވެ. އަނެއް ހަތް މީހުން ތިބީ އެހެން ރަށް ރަށުގަ އެވެ.

ކޮވިޑުން ރަނގަޅުވާ މީހުންގެ އަދަދު މި ދޭތެރެއިން މަދުވި ނަމަވެސް އެ އަދަދު އަނެއްކާ ވެސް މި ވަނީ އިތުރުވާން ފަށައިފަ އެވެ. މިދިޔަ ހުކުރު ދުވަހު އިތުރު 90 މީހުން ބަލިން ރަނގަޅުވިއިރު އެ އަދަދު ރޭ ވަނީ 198 އަށް އިތުރުވެފަ އެވެ. ފާއިތުވި 24 ގަޑިއިރުގެ ތެރޭގައި އިތުރަށް 141 މީހުން ކޮވިޑުން ރަނގަޅުވެފައި ވެ އެވެ. އެހެންވެ މިވަގުތު ފަރުވާ ހޯދަމުން އަންނަނީ 2،414 މީހުންނެވެ.

މިވަގުތު ކޮވިޑު ބައްޔަށް ފަރުވާ ދެމުންދަނީ 2،414 މީހުންނަށެވެ. އޭގެ ތެރެއިން 146 މީހުންނަށް ފަރުވާ ދެމުންދަނީ ހޮސްޕިޓަލުގައި އެޑްމިޓްކޮށްގެންނެވެ. އަދި މިހާތަނަށް 22 މީހަކު ވަނީ މި ބަލީގައި މަރުވެފައިވެއެވެ.

ގުޅުންހުރި ލިޔުންތައް

ފަހުގެ ލިޔުންތައް