މިދިޔަ 24 ގަޑިއިރު ތެރޭ 128 މީހަކު ކޮވިޑް-19 އަށް ޕޮޒިޓިވް ވެފައިވާ ކަމަށާއި އޭގެ ތެރޭ 83 ދިވެހިން ހިމެނޭ ކަމަށް އެޗްއީއޯސީ އިން ބުނެފިއެވެ.

އެޗްޕީއޭ އިން މިރޭ އާންމު ކުރި ހިސާބުތަކުގައި ބުނެފައިވާ ގޮތުގައި، އިއްޔެ ހަވީރު 6 އިން މިއަދު ހަވީރު 6 އާ ހަމައަށް 128 މީހުން ޕޮޒިޓިވްވި އިރު އޭގެ ތެރޭގައި 83 ދިވެހިން ހިމެނެ އެވެ. ދެން ހިމެނެނީ ބަންގްލަދޭޝްގެ 35 މީހަކާއި ނޭޕާލްގެ 2، އިންޑިޔާގެ 4 އަދި ލަންކާގެ 4 މީހެކެވެ.

މި އަދަދުތަކާ އެކު ރާއްޖޭގައި މިހާތަނަށް ކޮވިޑަށް ޕޮޒިޓިވް ވި ޖުމްލަ އަދަދަކީ 5،494 އެވެ.

ފަހަކަށް އައިސް ކޮވިޑަށް ޕޮޒިޓިވްވާ މީހުންގެ އަދަދު އުޅެނީ 100 އިން މަތީގަ އެވެ. 

މިހާތަނަށް 2،920 މީހުން ބަލިން ރަގަޅުވެފައިވާއިރު ފާއިތުވި 24 ގަޑިއިރު ތެރޭ ބަލިން ރަނގަޅުވެފައިވަނީ 36 މީހުންނެވެ. މިހާތަނަށް 21 މީހަކު މި ބަލީގައި މަރުވެފައިވެއެވެ.

ގުޅުންހުރި ލިޔުންތައް

ފަހުގެ ލިޔުންތައް