މިއަދު ރާއްޖެއިން ކޮވިޑަށް ޕޮޒިޓިވްވީ 143 މީހުން ކަމަށާއި އޭގެތެރޭގައި 87 ދިވެހީން ހިމެނޭ ކަމަށް އެޗްޕީއޭ އިން ބުނެފިއެވެ.

މިއަދުގެ އިރުއޮއްސުމާ ހަމައަށް އެއްކޮށްފައިވާ ހިސާބުތަކާ ހަވަލާ ދީ އެޗްޕީއޭއިން ބުނީ ކޮވިޑް ބަލި ޖެހުނު މީހުންގެ ތެރެއިން 140 މީހުންނަކީ މާލޭ ސަރަހައްދުން ޖެހުނު މީހުން ކަމަށެވެ. އަދި ތިން މީހުންނަކީ އެހެން ރަށްރަށުން ބަލި ޖެހުނު މީހުންނެވެ.

އެޗްޕީއޭއިން ބުނީ މިރޭ ހައެއް ޖެހުމާ ހަމައަށް ޕޮޒިޓިވްވި މީހުންގެ ތެރޭގައި 40 ބަންގްލަދޭޝް މީހުންނާއި 10 އިންޑިއާ މީހުންނާއި ތިން ނޭޕާލް މީހުންގެ އިތުރުން ދެ ސްރީލަންކާ މީހުންނާއި މިސްރު މީހެއް ހިމެނޭ ކަމަށެވެ.

މިއީ އިއްޔެއާ އަޅާ ބަލާއިރު ގިނަ އަދަދެކެވެ. އިއްޔެ ކޮވިޑް-19 އަށް ރާއްޖެއިން ޕޮޒިޓިވްވެފައިވަނީ 66 މީހުންނެވެ. އޭގެތެރޭގައި 55 ދިވެހީން ހިމެނެއެވެ.

މިއަދު ކޮވިޑުން ރަނގަޅުވީ 35 މީހުންނެވެ. ރާއްޖެއިން ރަނގަޅުވީ މީހުންގެ އަދަދަކީ 2،884 އެވެ.

މިވަގުތު ރާއްޖޭގައި ކޮވިޑުން ރަނގަޅުނުވެ ތިބީ 2،461 މީހުންނެވެ. ކޮވިޑްގައި 21 މީހަކު ވަނީ މަރުވެފައެވެ. މި ބަލީގައި އެންމެ ފަހުން މީހަކު މަރުވީ މިއަދުއެވެ.

ގުޅުންހުރި ލިޔުންތައް

ފަހުގެ ލިޔުންތައް