މިދިއަ 24 ގަޑިއިރުގެ ތެރޭގައި ރާއްޖެއިން ކޮވިޑް-19 އަށް 143 މީހަކު ޕޮޒިޓިވް  ޖުމްލަ އަދަދު 5000އަށްވުރެ މަތިވެފައިވާ ކަމަށް އެޗްޕީއޭއިން ބުނެފި އެވެ.

މިއަދު 143 މީހަކު ވަނީ ރާއްޖެއިން ޕޮޒިޓިވްވެފަ އެވެ. އެއާއެކު ޕޮޒިޓިވްވީ މީހުންގެ ޖުމްލަ އަދަދު 5041 ކަށް ވަނީ އަރާފަ އެވެ. މިއަދު ޕޮޒިޓިވްވީ މީހުން ތެރޭގައި ހިމެނެނީ 107 ދިވެހިންނާއި 28 ބަންގްލަދޭޝް މީހުންގެ އިތުރުން އިންޑިއާގެ ހަ މީހުންނާއި ނޭޕާލްގެ ދެ މީހުންނެވެ.

މިއަދުގެ އިރުއޮއްސުމާ ހަމައަށް އެއްކޮށްފައިވާ ހިސާބުތަކާ ހަވަލާ ދީ އެޗްޕީއޭއިން ބުނީ ކޮވިޑް ބަލި ޖެހުނު މީހުންގެ ތެރެއިން 140 މީހުންނަކީ މާލޭ ސަރަހައްދުން ޖެހުނު މީހުން ކަމަށައި އަނެއް ތިން މީހުންނަކީ އެހެން ރަށަކުން ޕޮޒިޓިވްވެފައިވާ މީހެއް ކަމަށެވެ.

މިހާރު ކޮވިޑަށް ފަރުވާ ހޯދަމުންދާ މީހުންގެ އަދަދު ވަނީ 2218 އަށް އަރާފަ އެވެ. މިއަދު ބަލިން ރަނގަޅުވީ 13 މީހެކެވެ.

މިހާތަނަށް ކޮވިޑް ޖެހިގެން 19 މީހަކު ވަނީ ރާއްޖެއިން މަރުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް