މި އަހަރުގެ އޮކްޓޫބަރު މަހު ރަޝިޔާގެ އާބާދީއަށް ވެކްސިން ދޭން ފަށަން ތައްޔާރުވަމުންދާ ކަމަށް އެޤައުމުގެ ހެލްތު މިނިސްޓަރު މިކައިލް މުރަޝްކޯ ވިދާޅުވެއްޖެ އެވެ.
މުރަޝްކޯ މިހެން ވިދާޅުވެފައި ވަނީ ރަޝިޔާގެ މޮސްކޯ ލެބޯޓްރީގައި ތައްޔާރުކުރި ކޮވިޑް-19 ވެކްސިންގެ ހުރިހާ ޓްރަޔަލްއެއް ކާމިޔާބު ކަމާއެކު ނިމިފައިވާކަން އިއުލާން ކުރައްވަމުންނެވެ. އަދި ވަރަށް އަވަހަށް އެ ގައުމުގެ ރައްޔިތުންނަށް އެ ވެކްސިން ދޭން ފެށުމުގެ ބޮޑު ކެމްޕެއިނެއް ފަށަން ތައްޔާރުވަމުންދާކަމަށްވެސް މުރަޝްކޯ ވަނީ ވިދާޅުވެފަ އެވެ.
ރަޝިޔާގެ ރައްޔިތުންނަށް ވެކްސިން ދޭން ތައްޔާރުވި ނަމަވެސް އެންމެ ފުރަތަމަ ވެކްސިން ދޭ ގްރޫޕްގެ ތެރޭގައި ހިމެނެނީ ޑޮކްޓަރުންނާއި ޓީޗަރުންނެވެ. އަދި މި ވެކްސިން އާއްމުންނަށް ދިނުމުގެ ހުއްދަ އެ ގައުމުގެ ކަމާ ބެހޭ އިދާރާތަކުން ލިބޭނެކަމުގެ އުއްމީދު ވަރަށްވެސް ބޮޑެވެ.
އެޑެނޯވައިރަސް އިން ތައްޔާރު ކޮށްފައިވާ މި ވެކްސިން ކާމިޔާބުވެއްޖެނަމަ، ވެކްސިން ވެގެން ދާނީ މިހާތަނަށް ދުނިޔޭގައި އުފެއްދޭ ކޮރޯނާވައިރަހުން ދިފާއު ވެވޭ ފުރަތަމަ ވެކްސިން އަށެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)