ރާއްޖެއިން މިއަދުވެސް 148 މީހުން ކޮވިޑް-19އަށް ޕޮޒިޓިވްވެފައި ވާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފި އެވެ.

އެޗްޕިއޭއިން ބުނިގޮތުގައި މިއަދުވެސް ޕޮޒިޓިވްވި މީހުންގެ ތެރޭގައި ގިނައީ ދިވެހިންނެވެ. އެގޮތުން 117 ދިވެއްސަކު ވައިރަހަށް ޕޮޒިޓިވްވެފައި ވާއިރު، ބަންގްލަދޭޝްގެ 22 މީހަކާއި، 7 އިންޑިޔާ މީހެއްގެ އިތުރުން، ނޭޕާލުގެ މީހަކާއި ސީޝެލްސްގެ މީހަކުވެސް ވަނީ ވައިރަހަށް ޕޮޒިޓިވްވެފަ އެވެ.

މިއަދު ޕޮޒިޓިވްވި މީހުންނާއެކު ރާއްޖޭގެ ނަންބަރު ވަނީ 4,594 އަރާފައެވެ.

މިއަދު ޕޮޒިޓިވްވި މީހުންގެ ތެރޭގައި އަތޮޅުތަކުން ޕޮޒިޓިވްވި ދެ މީހެއްވެސް ހިމެނެއެވެ. ދެން ހިމެނެނީ މާލެ ސަރަހައްދުން ޕޮޒިޓިވްވި 146 މީހުންނެވެ.

ޕޮޒިޓިވްވާ މީހުންގެ އަދަދު މިހާރު ވަރަށް ބޮޑަށް އިތުރުވެފައިވާއިރު، ބަލި ޖެހިފައިވާ 1،869 މީހުން އެބަ ތިއްބެވެ. އޭގެ ތެރެއިން 110 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ.

ކޮވިޑް-19އިގައި މިހާތަނަށް 19 މީހަކު މަރުވެފައިވާއިރު އޭގެ ތެރޭގައި ވެސް ގިނައީ ދިވެހިންނެވެ.

ގުޅުންހުރި ލިޔުންތައް

ފަހުގެ ލިޔުންތައް