މިއަދު ރާއްޖެއިން 153 މީހަކު ކޮވިޑަށް ޕޮޒިޓިވްވެއްޖެއެވެ.

އޭގެ ތެރެއިން 116 މީހުންނަކީ ދިވެހިންނެވެ. ދެން ހިމެނެނީ ބަންގްލަދޭޝްގެ 22 މީހަކާއި އިންޑިއާގެ 11 މީހަކާއި މިސްރު މީހަކާއި އިނގިރޭސިވިލާތުގެ މީހެއްގެ އިތުރުން ކެންޔާ މީހަކާއި އިންޑޮނޭޝިއާ މީހެކެވެ.

ރާއްޖެ އިން މިއަދު 153 މީހުން ޕޮޒިޓިވްވެފައިވަނީ 907 ޓެސްޓް ކޮށްގެންނެވެ. އެބަލިން މިއަދު ރަނގަޅުވެފައިވަނީ 23 މީހުނެވެ. އަދި ރާއްޖެ އިން މިހާތަނަށް 4466 މީހުން ވަނީ ކޮވިޑަށް ޕޮޒިޓިވްވެފައިވާއިރު ބަލިން މުޅިން ރަނގަޅުވެފައިވަނީ 2693 މީހެކެވެ. އެކްޓިވް ކޭސްތަކުގެ އަދަދަކީ 1719 އެވެ.

ކޮވިޑް ބަލީގައި މިހާތަނަށް 19 މީހަކު ވަނީ މަރުވެފައެވެ. އޭގެ ތެރޭގައި ހިމެނެނީ 14 ދިވެހިންނާއި ފަސް ބިދޭސީންނެވެ. މިއަދު ހެނދުވެސް ކޮވިޑް ބަލީގައި މީހަކު މަރުވެފައިވެއެވެ.

ގުޅުންހުރި ލިޔުންތައް

ފަހުގެ ލިޔުންތައް