ރާއްޖެއިން މިއަދު 129 މީހަކު ކޮވިޑް-19 އަށް ޕޮޒިޓިވްވެފައިވާ ކަމަށް އަދި އޭގެ ތެރެއިން 93 މީހުންނަކީ ދިވެހީން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފި އެވެ.

އޭގެ ތެރެއިން 93 މީހުންނަކީ ދިވެހިންނެވެ. ދެން ހިމެނެނީ ބަންގްލަދޭޝްގެ 23 މީހަކާއި އިންޑިއާގެ އަށް މީހަކާއި ސްރީލަންކާގެ ހަތަރު މީހަކާއި އިންޑޮނޭޝިއާ މީހެކެވެ.

އެޗްޕީއޭއިން ހާމަކުރިގޮތުގައި މިއަދު ފެނުނު ޕޮޒިޓިވް ކޭސްތަކުގެ ތެރޭގައި ހިމެނޭ ދެ ކޭސް އަކީ އޮތޮޅު ތެރެއިން ފެނުނު ކޭސް އެވެ. ބާކީ ހުރި ކޭސްތައް ފެނިފައިވަނީ ގްރޭޓާ މާލެ ސަރަހައްދުންނެވެ.

މި ބަލީގައި ބޭރު މީހުން ވެސް ހިމެނޭ ގޮތަށް ރާއްޖެ މިހާތަނަށް 18 މީހަކު މަރުވެފައި ވެއެވެ. އިއްޔެ ވެސް ކޮވިޑް ޖެހުނު މީހަކު މަރުވި އެވެ. އަދި މިއަދު ގެނބިގެން މަރުވި މީހަކުވެސް ފަހުން ޓެސްޓް ކުރި އިރު ޕޮޒިޓިވްވެފައި ވެއެވެ. 

މިއަދު ޕޮޒިޓިވްވި މީހުންނާއެކު ރާއްޖެއިން މިހާތަނަށް ވައިރަހަށް ޕޮޒިޓިވްވީ މީހުންގެ ޖުމްލަ ވަނީ 4،293 އަށް އަރައިފައެވެ.

އެޗްޕީއޭއިން މިރޭ ހާމަކުރި ތަފާސްހިސާބުތަކުން ދައްކުވައިދޭގޮތުގައި މިއަދު އިތުރު 27 މީހަކު ވަނީ ބަލިން ރަނގަޅުވެފަ އެވެ. މިއާއެކު ބަލިން ރަނގަޅުވި މީހުންގެ ޖުމްލަ އަދަދު ވަނީ 2،670 އަށް އަރައިފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް