މިއަދު ކޮވިޑް-19އަށް ރާއްޖެއިން 67 މީހަކު ޕޮޒިޓިވް ވެއްޖެ އެވެ.

އެޗްޕީއޭއިން މިރޭ ބުނީ މިދިޔަ 24 ގަޑިއިރުގެ ތެރޭގައި ކޮވިޑަށް 67 މީހަކު ޕޮޒިޓިވް ވެފައިވާ ކަމަށެވެ. އޭގެ ތެރޭގައި ގިނައީ ދިވެހިންނެވެ. 43 މީހުންނަކީ ދިވެހިންނެވެ. ދެން ހިމެނެނީ ބަންގަލްދޭޝްގެ 14 މީހަކާއި އިންޑިއާ ހަ މީހެއްގެ އިތުރުން އިންޑޮނޭޝިޔާގެ މީހަކާއި އެމެރިކާ މީހެކެވެ.

އެމެރިކާ މީހަކީ އިއްޔެ ރާއްޖެ އައި ފަތުރުވެރި އެކެވެ. މިއީ ބޯޑަރު ހުޅުވާލި ފަހުން ރާއްޖެއައި ފަތުރުވެރިންގެ ތެރެއިން ޕޮޒިޓިވްވީ ފުރަތަމަ ފަތުުރުވެރިޔާ އެވެ.

ހެލްތް ޕްރޮޓެކްޝަން އެޖެންސީއިން އާންމުކުރި މައުލޫމާތަށް ބަލާއިރު މިއަދު ޕޮޒިޓިވްވީ 67 މީހުންނާއެކު މިހާރު ކޮވިޑް ޖެހުނު މީހުންގެ އަދަދު ވަނީ 3369 އަކަށް އަރާފަ އެވެ. މިއަދު ކޮވިޑުން ރަނގަޅުވެފައި ވަނީ 13 މީހުންނެވެ.

މިވަގުތު ފަރުވާގައި ތިބީ 792 މީހުންނެވެ. ކޮވިޑްގައި ރާއްޖެއިން 15 މީހަކު ވަނީ މަރުވެފައެވެ.

ގުޅުންހުރި ލިޔުންތައް

ފަހުގެ ލިޔުންތައް