މިއަދުގެ މިހާތަނަށް ކޮވިޑް-19 އަށް ޕޮޒިޓިވްވެފައި ވަނީ 14 މީހުން ކަމަށް އެޗްޕީއޭއިން ބުނެފި އެވެ.

އެޗްޕީއޭއިން ބުނީ މިދިޔަ 24 ގަޑިއިރު 623 ޓެސްޓެއް ކޮށްފައިވާ ކަމަށެވެ. ޕޮޒިޓިވްވީ 14 ސާމްޕަލެވެ. ގިނައީ ދިވެހިންނެވެ. 14 މީހުންގެ ތެރެއިން 10 މީހުންނަކީ ދިވެހިންނެވެ. ދެން ހިމެނެނީ ބަންގަލްދޭޝްގެ ތިން މީހުންނާއި އިންޑިއާ މީހެކެވެ.

މިއަދު 14 މީހަކު ޕޮޒިޓިވްވެފައިވާއިރު އިއްޔެ ޕޮޒިޓިވްވެފައިވަނީ 68 މީހުންނެވެ. އޭގެތެރޭގައިވެސް ގިނައީ ދިވެހިންނެވެ. އަދި މިއަދު ޕޮޒިޓިވްވީ 14 މީހުންނާއެކު ރާއްޖޭގެ އަދަދު ވަނީ 2,913 އަށް އަރާފައެވެ.

ކޮވިޑަށް މިހާތަނަށް 65،799 ސާމްޕަލް ވަނީ ޓެސްޓްކޮށްފައެވެ. އަދި މިހާތަނަށް ކޮވިޑް ޖެހިގެން 15 މީހަކު ރާއްޖެއިން ވަނީ މަރުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް