މިއަދުގެ މިހާތަނަށް ކޮވިޑް-19 އަށް ޕޮޒިޓިވްވެފައި ވަނީ 30 މީހުން ކަމަށާ 19 މީހަކު މިއަދު ބަލިން ރަނގަޅުވެފައިވާ ކަމަށް އެޗްޕީއޭއިން ބުނެފި އެވެ.

މިއަދު ކޮވިޑަށް ޕޮޒިޓިވްވި މިހުންގެ ތެރޭގައި ހިމެނެނީ 29 ދިވެއްސަކާއި ބަންގްލަދޭޝްގެ ރައްޔިތެކެވެ.

މިދިޔަ 24 ގަޑިއިރުތެރޭގައި ޖުމްލަ 948 މީހަކު ވަނީ ކޮވިޑް-19އަށް ޓެސްޓް ކޮށްފައެވެ. އަދި މިއަދު ޕޮޒިޓިވްވި 30 މީހުންނާއެކު ޖުމްލަ އަދަދު ވަނީ  2,831އަށް އަރާފަ އެވެ. މިއަދު ކޮވިޑް ބަލިން ރަނގަޅުވީ 19 މީހުންނެވެ. މިހާތަނަށް ރާއްޖެއިން ރަނގަޅުވީ މީހުންގެ އަދަދަކީ 2،321 މީހުންނެވެ. މިވަގުތު ފަރުވާގައި ތިބީ 482 މީހުންނެވެ.

އެޗްޕީއޭއިން ބުނި ގޮތުގައި ރިޕީޓެޑް ސާމްޕަލްސްވެސް ހިމެނޭ ގޮތުން މިހާތަނަށް ރާއްޖޭގައި 64،239 ސާމްޕަލްއެއް ނަގާފައި ވެއެވެ.

ކޮވިޑް19 ބަލީގައި ރާއްޖެއިން މަރުވީ 14 މީހުންނެވެ.

ގުޅުންހުރި ލިޔުންތައް

ފަހުގެ ލިޔުންތައް