ކޮވިޑް-19 އިން ރައްކާތެރިވުމަށްޓަކައި ތަންތަނަށް ވަދެ ނުކުމެ ހަދާއިރު "ޑިސްއިންފެކްޓަންޓް ގޭޓު" ފަދަ އެއްޗެހި ބޭނުންކޮށްގެން ކެމިކަލްއިން ސްޕްރޭކުރުމަކީ ޑަބްލިޔުއެޗްއޯއިން ބާރުއަޅާކަމެއް ނޫންކަމަށް އެ ޖަމިއްޔާއިން ބުނެފިއެވެ.
ޑިސްއިންފެކްޓަންޓް ސްޕްރޭ ކުރެވޭގޮތަށް ހުންނަ މިފަދަ ތަންތަނުން ވަދެ ނުކުމެހަދާއިރު، ޖަރާސީމު މަރާލާކަމަށް ބުނާ ކެމިކަލް ސްޕްރޭއެއް އެ ވަންނަ މީހެއްގެ ގަޔަށް ޖަހާނެއެވެ. މިއީ ކޮވިޑް-19އިން ރައްކާތެރިވުމަށްޓަކައި ދުނިޔޭގެ ގިނަ ޤައުމުތަކުގައި މިހާރު ކުރަމުން އަންނަ ކަމެކެވެ.
ޑަބްލިޔުއެޗްއޯ އާއި ހަވާލާދީ ޑަބްލިޔުއެޗްއޯ މޯލްޑިވްސްއިން ކުރި ޓްވީޓްގައި ވަނީ މިފަދައިން ސްޕްރޭކުރާ ގޭޓް، ޓަނަލް، ކެބިނެޓް އަދި ޗެމްބަރު ފަދަ ތަންތަން ބަހައްޓާ ބޭނުންކުރުމަށް އެ ޖަމިއްޔާއިން އެއްގޮތަކަށްވެސް ބާރުނާޅާ ކަމަށް ބުނެފައެވެ.
@WHO does NOT recommend spraying individuals with disinfectants (such as in a tunnel, gate, cabinet, or chamber) to prevent #COVID19 🚫🚫
— WHO Maldives (@WHOMaldives) July 13, 2020
This could be physically and psychologically harmful and does NOT reduce spread of virus through droplets or contact from infected person! pic.twitter.com/rNAmQ1fRpW
މިގޮތަށް ސްޕްރޭކުރުމަކީ ޖިސްމާނީ އަދި ނަފްސާނީގޮތުން ވެސް ގެއްލުން ލިބޭކަމެއް ކަމަށް ޑަބްލިޔުއެޗްއޯއިން ބުނެއެވެ. އަދި ކޮވިޑް-19 އަކީ ކުޅުގެ ގޮތުގައި ބޭރުވާ ޖަރާސީމެއްގެ ޒަރިއްޔާއިން ފެތުރޭ ވައިރަހެއްކަމުން މިފަދައިން އަދި ސްޕްރޭކުރި ނަމަވެސް، މާސްކް އެޅުމާއި ގައިދުރުކަން ނުބަހައްޓާނަމަ ބަލި ފެތުރިދާނޭކަމަށް އެ ޖަމިއްޔާއިން ވަނީ ބުނެފަ އެވެ.
އާންމު ޑިސްއިންފެކްޓަންޓް ތަކުން ކުރާ ސްޕްރޭގައި ހިމެނޭ ކްލޮރިންއަކީ ވަރަށްވެސް ވިހަގަދަ މާއްދާއެކެވެ. އަދި މީގެން ސްޕްރޭކުރުމުގެ ސަބަބުން ލޮލަށާއި ގައިގެ ހަންގަނޑަށް ބޮޑެތި ގެއްލުންތަކެއް ލިބެއެވެ.
ހަމައެހެންމެ މި ސްޕްރޭގެ ސަބަބުން ނޭވާލުމަށް ދަތިވުމާއި، ގޭސްޓްރޮއިންޓެސްޓިނަލް ބަލިތަކުގެ އަލާމާތްތައް ކަމަށްވާ ބޯއެނބުރުމާއި މޭނުބައިކުރުން އަދި ހޮޑުލެވުން ފަދަ ކަންކަން މެދުވެރިވެއެވެ.
ދުނިޔޭގެ ސިއްހަތު ޖަމިއްޔާއިން ވަނީ ކްލޮރިން ބޭނުންކުރުމަށް އެންމެ އެދެވިގެންވަނީ ބޯ ފެނާއި އަދި ސިއްހީ މަރުކަޒުތަކުގެ މާހައުލު ސާފުތާހިރުކޮށް ބެހެއްޓުމަށް ކަމަށް ބުނެފައެވެ.
ރާއްޖޭގައި ދާދިފަހުން ވަނީ ސްޓެލްކޯގައިވެސް މިފަދަ ޑިސްއިންފެކްޝަން ގޭޓެއް ބަހައްޓާފައެވެ. ސްޓެލްކޯއަކީ ގިނަ ބަޔަކު ވަޒީފާއަދާކުރަމުންދާ ކުންފުންޏެކެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)