ފާއިތުވި 24 ގަޑިއިރުގެތެރޭގައި ރާއްޖެއިން ކޮވިޑް-19 އަށް ޕޮޒިޓިވްވެފައި ވަނީ 47 މީހުން ކަމަށާ 30 މީހަކު މިއަދު ބަލިން ރަނގަޅުވެފައިވާ ކަމަށް އެޗްޕީއޭއިން ބުނެފި އެވެ.

މިއަދު ކޮވިޑަށް ޕޮޒިޓިވްވި މިހުންގެ ތެރެއިން 43 މީހުންނަކީ ދިވެހީންނެވެ. ބާކީ ތިބި މީހުންގެ ތެރެއިން ތިން މީހުންނަކީ ބަންގްލަދޭޝް މީހުންނެވެ. އަދި އޭގެ އިތުރުން އިންޑިޔާ މީހަކުވެސް ވަނީ ޕޮޒިޓިވްވެފައެވެ.

ލޮކްޑައުންގެ ހާލަތަށް ލުއި ދިން ފަހުން އެންމެ ގިނަ މީހުން މި ބައްޔަށް ޕޮޒިޓިވްވީ އިއްޔެ އެވެ. ދެން މިއަދެވެ.

މިއަދު ޕޮޒިޓިވްވި 47 މީހުންނާއިއެކު މިހާތަނަށް ދިވެހިރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ އަދަދު މިވަނީ 2،664 އަށް އަރައިފަ އެވެ.

މިއަދު ކޮވިޑް ބަލިން ރަނގަޅުވީ 30 މީހުންނެވެ. މިހާތަނަށް ރާއްޖެއިން ރަނގަޅުވީ މީހުންގެ އަދަދަކީ 2،263 މީހުންނެވެ. މިވަގުތު ފަރުވާގައި ތިބީ 368 މީހުންނެވެ.

ގުޅުންހުރި ލިޔުންތައް

ފަހުގެ ލިޔުންތައް