މިއަދު ރާއްޖެއިން އިތުރު 33 މީހަކު ކޮވިޑް-19އަށް ޕޮޒިޓިވްވެ، 19 މީހަކު ބަލިން ފަސޭހަވެފައިވާ ކަމަށް އެޗްޕީއޭއިން ބުނެފި އެވެ.

މިއީ ލޮކްޑައުންއަށް ލުއިދިންފަހުން އެންމެ ގިނަ ބަޔަކު މި ބައްޔަށް ޕޮޒިޓިވްވީ ދުވަހެވެ.

މިއަދު އަލަށް ފެނުނު ކޭސްތަކުގައި ހިމެނެނީ 12 ދިވެހިންނާއި ބަންގްލަދޭޝްއަށް ނިސްބަތްވާ 18 މީހުންގެ އިތުރުން އިންޑިއާގެ ތިން މީހުންނެވެ.

މިއަދު ޕޮޒިޓިވްވި މީހުންނާއެކު ރާއްޖޭގެ އަދަދު ވަނީ 2,468 އަށް އަރާފަ އެވެ. މިއަދު ކޮވިޑް ބަލިން ރަނގަޅުވީ 19 މީހުންނެވެ. މިހާތަނަށް ރާއްޖެއިން ރަނގަޅުވީ މީހުންގެ އަދަދަކީ 2،049 މީހުންނެވެ. މިވަގުތު ފަރުވާގައި ތިބީ 404 މީހުންނެވެ.

ރޭގައި އިތުރު މީހަކު ވަނީ ކޮވިޑް-19 ޖެހިގެން މަރުވެފައެވެ. މި މީހާއެކު މިހާތަނަށް ރާއްޖެއިން ކޮވިޑް-19 ޖެހިގެން މަރުވި މީހުންގެ އަދަދު ވަނީ 11އަށް އަރާފައެވެ.

ގުޅުންހުރި ލިޔުންތައް

ފަހުގެ ލިޔުންތައް