ރާއްޖެއިން އިތުރު 22 މީހަކު ކޮވިޑް-19 އަށް ޕޮޒިޓިވްވެ، 12 މީހަކު ބަލިން ވަނީ ރަނގަޅުވެފަ އެވެ.

އެޗްޕީއޭއިން ބުނީ މިދިޔަ 24 ގަޑިއިރު 850 ޓެސްޓެއް ކޮށްފައިވާ ކަމަށެވެ. ޕޮޒިޓިވްވީ 22 ސާމްޕަލެވެ. 22 މީހުންގެ ތެރެއިން 14 މީހުންނަކީ ބަންގަލްދޭޝް މީހުންނެވެ. ދެން ހިމެނެނީ ހަތަރު ދިވެހިންނާއި ލަންކާ ހަތަރު މީހުންނެވެ.

އޭގެ ތެރެއިން 13 މީހުންނަކީ މީގެ ކުރިން ޕޮޒިޓިވްވެފައިވާ ކްލާސްޓަރ ތަކާ ގުޅުން ހުރި މީހުން ކަމަށް މިރޭގެ ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މަބްރޫކް އަޒީޒް ވިދާޅުވި އެވެ.

ކޮވިޑް ބަލިން މިއަދު ރަނގަޅުވީ 12 މީހުންނެވެ. މިހާތަނަށް ރާއްޖެއިން ރަނގަޅުވީ މީހުންގެ އަދަދު ވަނީ 1،875 އަރާފައެވެ.

ރާއްޖެއިން 2،305 މީހަކަށް ކޮވިޑް ޖެހިފައިވާއިރު މިހާރު ފަރުވާ ދެމުން އަންނަނީ 417 މީހުނަށެވެ. އޭގެ ތެރެއިން ތިން މީހަކު ޓްރީ ޓޮޕްގައި ފަރުވާދެމުން އަންނައިރު އެ ތިން މީހުން ވެސް އޮތީ ވެންޓިލޭޓަރުގައި ކަމަށް މަބްރޫކް ވިދާޅުވި އެވެ.

ގުޅުންހުރި ލިޔުންތައް

ފަހުގެ ލިޔުންތައް