މިއަދު ކޮވިޑް-19 އަށް އިތުރު 17 މީހަކު ޕޮޒިޓިވްވީއިރު އިތުރު 9 މީހަކު އެ ބަލިން ރަނގަޅުވެއްޖެ އެވެ.

އެޗްޕީއޭއިން ބުނީ މިދިޔަ 24 ގަޑިއިރު ކުރި ޓެސްޓްތަކުން ޕޮޒިޓިވްވީ 17 ސާމްޕަލް ކަމަށެވެ. އެއީ ހަތް ދިވެހިންނާއި ބަންގްލަދޭޝްގެ 10 މީހުންނެވެ.

މިއާއިއެކު ރާއްޖެއިން މިހާތަނަށް ޕޮޒިޓިވްވި މީހުންގެ އަދަދު މިވަނީ 2،277 އަށް އަރައިފަ އެވެ. މިއަދު ކޮވިޑް ބަލިން ރަނގަޅުވީ ނުވަ މީހުންނެވެ. މިހާތަނަށް ރާއްޖެއިން ރަނގަޅުވީ މީހުންގެ އަދަދަކީ 1،848 މީހުންނެވެ. މިވަގުތު ފަރުވާގައި ތިބީ 416 މީހުންނެވެ.

ސިއްހީ ކަމާއިބެހޭ ފަރާތްތަކުން ވަނީ މި ބައްޔަށް ޓެސްޓުކުރުމުގެ ގޮތުން މިހާތަނަށް 46،182 ސާމްޕަލް ނަގައިފަ އެވެ. މީގެ ތެރޭގައި ތަކުރާރުކޮށް ނެގިފައިވާ ސާމްޕަލްވެސް ހިމެނެ އެވެ.

ކޮވިޑް-19 ގައި މިހާތަނަށް ރާއްޖެއިން ވަނީ އަށް މީހަކު ނިޔާވެފަ އެވެ. މިގެ ތެރޭގައި އުމުރުން ދުވަސްވީ ހަތަރު ދިވެހިންނާއި ބަންގްލަދޭޝްގެ ހަތަރު ރައްޔިތުން ހިމެނެ އެވެ.

ގުޅުންހުރި ލިޔުންތައް

ފަހުގެ ލިޔުންތައް