މިއަދު ރާއްޖެއިން ކޮވިޑް-19 އަށް 22 މީހަކު ޕޮޒިޓިވްވެފައިވާކަމަށް ހެލްތު ޕްރޮޓެކްޝަން އެޖެންސީއިން ވަނީ ބުނެފަ އެވެ.

އެޗްޕީއޭއިން ބުނީ މިދިޔަ 24 ގަޑިއިރު ކުރި ޓެސްޓްތަކުން ޕޮޒިޓިވްވީ 22 ސާމްޕަލް ކަމަށެވެ. އެއީ 8 ދިވެހިންނާއި ބަންގްލަދޭޝްގެ 13 މީހުން އަދި އިންޑިއާ މީހެކެވެ.

މިއާއިއެކު ރާއްޖެއިން ޖުމްލަ ޕޮޒިޓިވްވި ކޭސްތަކުގެ އަދަދު މި ވަނީ 2،260 އަށް އަރައިފަ އެވެ. އަދި ބަލިން ރަނގަޅުވި މީހުންގެ ޖުމްލަ އަދަދު މިވަނީ 1،839 އަށް އަރައިފަ އެވެ.

އެކްޓިވް ކޭސްތަކުގެ ގޮތުގައި މިހާރު ބައްޔަށް ފަރުވާ ދެވެމުންދަނީ 408 މީހަކަށެވެ.

ކޮވިޑަށް 45،185 މީހުން ޓެސްޓްކޮށްފައިވާއިރު މިހާތަނަށް މި ބަލީގައި އަށް މީހަކު ވަނީ މަރުވެފަ އެވެ.

މި ވަގުތު ކޮވިޑް އައިސޮލޭޝަންގައި ތިބީ 314 މީހުންނެވެ. ކަރަންޓީންގައި ތިބީ 139 މީހުނެވެ.

ގުޅުންހުރި ލިޔުންތައް

ފަހުގެ ލިޔުންތައް