މިއަދުގެ މިހާތަނަށް ކޮވިޑް-19 އަށް ޕޮޒިޓިވްވެފައި ވަނީ 21 މީހުން ކަމަށާ 16 މީހަކު މިއަދު ބަލިން ރަނގަޅުވެފައިވާ ކަމަށް އެޗްޕީއޭއިން ބުނެފި އެވެ.

މިރޭ ޕޮޒިޓިވްވި މީހުންނާއެކު ރާއްޖޭގައި ޕޮޒިޓިވްވި މީހުންގެ ޖުމްލަ އަދަދު މިވަނީ 2،238 އަށް އަރައިފަ އެވެ.

އެޗްޕީއޭއިން ބުނީ މިދިޔަ 24 ގަޑިއިރު 1168 ޓެސްޓެއް ކޮށްފައިވާ ކަމަށެވެ. ޕޮޒިޓިވްވީ 21 ސާމްޕަލެވެ. ގިނައީ ދިވެހިންނެވެ. 21 މީހުންގެ ތެރެއިން 12 މީހުންނަކީ ދިވެހިންނެވެ. ދެން ހިމެނެނީ ބަންގަލްދޭޝްގެ ހަތް މީހަކާއި އިންޑިއާ މީހެގެ އިތުރުން ނޭޕަލް މީހެކެވެ.

ރާއްޖޭގައި މިވަގުތު އެކްޓިވް ކޭސްތަކުގެ ގޮތުގައި ބައްޔަށް ފަރުވާ ދެވެމުން ދަނީ 396 މީހަކަށެވެ. ކަރަންޓީނު ފެސިލިޓީތަކުގައި މިވަގުތު 140 މީހަކު ތިބި އިރު އައިސޮލޭޝަން ފެސިލިޓީތަކުގައި 318 މީހަކުު އެބަ ތިއްބެވެ.

ކޮވިޑަށް 43،998 މީހުން ޓެސްޓްކޮށްފައިވާއިރު މިހާތަނަށް މި ބަލީގައި އަށް މީހަކު ވަނީ މަރުވެފަ އެވެ

ގުޅުންހުރި ލިޔުންތައް

ފަހުގެ ލިޔުންތައް