މިއަދު އިތުރު 26 މީހަކު ކޮވިޑް-19 އަށް ޕޮޒިޓިވްވެ، މިހާތަނަށް ޕޮޒިޓިވްވި މީހުންގެ އަދަދު 2،120އަށް ވަނީ އަރާފައެވެ.

ހަމައެހެންމެ މިހާތަނަށް ޕޮޒިޓިވްވި މީހުންގެ ތެރެއިން މިއަދުވެސް ވަނީ އިތުރު 7 މީހަކު ބައްޔަށް ފަރުވާކޮށް ރަނގަޅުވެފަ އެވެ. މި ހަތް މީހުންނާއެކު މިހާތަނަށް ރަނގަޅުވި މީހުންގެ އަދަދު ވަނީ 1،677އަށް އަރާފަ އެވެ.

މިއަދު ޕޮޒިޓިވްވި މީހުންގެ ތެރޭގައި ހިމެނެނީ ބަންގަލްދޭޝްގެ 16 މީހުންނާއި ތިން ދިވެހިންނާއި ނޭޕާލްގެ ތިން މީހުންނާއި އިންޑިއާ ތިން މީހުންގެ އިތުރުން ލަންކާ މީހެކެވެ. މިއީ ފާއިތުވި 24 ގަޑިއިރުގެ ތެރޭގައި ޕޮޒިޓިވްވި މީހުންނެވެ.

ކޮވިޑަށް 37،491 މީހުން ޓެސްޓްކޮށްފައިވާއިރު މިހާތަނަށް މި ބަލީގައި އަށް މީހަކު ވަނީ މަރުވެފަ އެވެ.

މި ވަގުތު ކޮވިޑް އައިސޮލޭޝަންގައި ތިބީ 281 މީހުންނެވެ. ކަރަންޓީންގައި ތިބީ 318 މީހުނެވެ. 

ގުޅުންހުރި ލިޔުންތައް

ފަހުގެ ލިޔުންތައް